Xun Betan

11043229_1722142071345435_1370704080209247966_nLi’e ja’ Xun Betan: ayan ta Venustiano Carranza, Chiapas.  Xun xk’opoj ta bats’i k’op tsotsil xchi’uk tseltal, te yabteltake ja’ sts’ibajom, sts’ibaj nichimal k’op xchi’uk k’usitik yan, te k’usi sts’ibae xlok’ta internet ta lo’il vun xchi’il periodico sbiinoj Ojarasca yu’un La Jornada, xchi’uk butik yan. Te Xune xchi’uk yantik jpas nichimal k’ope spasojik oxpech vun jech noxtok yak’oj ta ilel te sp’asojel ta bats’i k’op yantik lo’iletik.

Xun yakal ta abtel xchi’uk Galería Muy, li’ ta Jobel, bu ta spas jun yach’il lo’il a’yej sbiinoj Snichimal Vayuchil ta poesía relacional, jkoj ta jun u li’ ta galería MUY. Xune xchanubtasvan ta bats’i k’op tsotsil xchi’uk ta spasel  xchi’uk sts’ibael nichimal k’op.

Li’e ja’ snichimal k’op Xun Betan oy la jpech vun sbiinoj Snichimal Vayuchil :

Pepen ants

13240026_566318433529457_8922039304054929226_nAk’otajan ants,
ak’otajan,
avole xk’eojin.

Ak’otajan ants,
ak’otajan,
kuxlejale smali xavil.

Ak’otajan ants,
ak’otajan,
ak’o nichimajuk jkuxlejal.

Ak’otajan ants
ak’otajan,
yu’un ak’o jamuk
sna xch’ulel ko’ontontike.

Ch’ul vinajel xchi’uk osilaltike
smali xa jam axik’…

pepen.

 

P’asojesbil ta kaxlan k’op li’e:

Mujer mariposa

Baila mujer
baila
tu hijo canta.

Baila mujer
baila
la vida espera tu vuelo.

Baila mujer
baila
has florecer mi vida.

Baila mujer
baila
para abrir la casa
del espíritu de nuestro corazón.

El sagrado cielo y la tierra
esperan que extiendas tus alas…

mariposa.


 

Deja un comentario