Nichimal k’op

IMG_20160408_131400

Nichimal k’op: li’e xich’ ak’el ta ojtikinel te sts’ibtak jayvo’ jts’ibajometik yakalik ta spasel nichimal k’opetik. Na’bil ono’o te ta jlumaltike oy ep buch’utik sna’ik spasel ts’ibetik, ja’ no’ox te jutuk na’bil te yabtelike jech noxtok mu’yuk bu xich’ ta’el ta k’elel, ja’ jech o te ta página li’i ta xich’ ak’el ta ilel, manchuk juteb, te yabtel, bu slumal xchi’uk k’usi yan ta spasik te  juju vo’ jts’ibajometike. Jech noxtok te jts’ibajometike ta stsom sbaik ta jun muk’ul tsombail bu ta scholik ta alel te k’usitik sts’ibaike, ja’ sbi poesía relacional, jech noxtok oy jujun semana jun taller sbiinoj Snichimal Vayuchil.

Ta Snichimal Vayuchile ta xich’ tsobel skotol amtelil yu’un te jts’ibajometike, li’e yakal ta spasil jpech vun te sbiinoj noxtok Snichimal Vayuchil, k’elik li’ slok’ol te jpech vune:

Li vun li’e laj yich’ pasel ta slikeb ja’bil 2017, oy ta chonel ta galería MUY xchi’uk buuk ta xich’ ak’el ta ojtikinele. Ja’ech, te k’usi ora xaka’nik ta manel me ta sk’elel li’ amtel li’e xu’ xa k’opon te buch’utik spasoj sts’ibik li’ ta vun li’e me ja’ noxtok ta correo li’e snajkoptik@gmail.com

K’elo me !!! Ja’ x’ik’van ta sk’elel xchi’uk sk’upinel te nichimal k’op sts’iba te jchi’iltik ta bats’i ants vinikal li’ ta jlumaltik Chiapas, México xchi’uk yantik lumetik.

 Jech noxto ta jujun u ta xich’ ak’el ta ojtakinel yabtel ants vinik jts’ibajom li’ ta p’agina li’e, ja’ yu’un mu xa komtsan sk’elel k’usitik ta xich’ ak’el ta ilel li’ ta jun li’e. Mi xak’an ak’o jpuktik ta alel avuni nichimal k’ope, xu’ xatak tal li’ ta correo li’i: xunbetan@gmail.com

Deja un comentario